Welcome to Sands Victoria - Chin (Chin Haka)

 

Na fa a nun lo ah zeidah na tuah lai

Na fa a thih sualah hnemhnak petu

 

Sands Victoria cu tangka miaknak a kawl lomi bu a si i a fa a thimi nulepahna kha lungthinlei hnemhnak petu bu kan si. Na fa a thih sual ahcun kan ngeihchiatnak langhter kan duh. Ka hnem, ka tthutpi uh ti zong in na kan auh khawh.

 

KAN IN THEIHTHIAM PIAK

Kan sin i rianttuanmi vialte cu fale thih a ingtuar balmi nulepa lawngte an si. Fale thih zeitlukin dah intuar a har timi a theithiammi an si i mah bantuk a tongmi midang nulepa bawmtu le hnemtu ding ah an caan manlo in (volunteer) aa pemi an si. Atulio ah a phunphun in na tuarin lai timi zong kha an theihthiam. Mah tuarin ningah a hman lomi le a hmanmi ti a um lo. Minung nih an phunglam le nunphung ngeih in an ngeihchiatnak an langhter ning zong kha aadang kho i ruakhumh le ruakvui daan zong aadang kho. Kan sin rianttuanmihna nih mah kha an theihthiam i an upat. Na ngeihchiatnak le na tuarinning na langhternak cungah kan in soisel lai lo. 

 

KAN IN BAWMH KHAWHMI:

Telephone chungin bawmhnak.Telephone in chonh le biaruahnak in kan in hnemh khawh.  

Lennak/tthutpinak. Na inn, asiloah midang nih an in tthutpinak hmun le siikhan/siizung tehna zong ah kan in len khawh. Asiloah nangmah zong Mitcham i a ummi kan zung ah na kan leng kho.Lennak caan cu suimilam 1 chung a si lai. Holhlettu zong nangmah nih a man liam hau lo in kan in auhpiak khawh.

Mibawmtu bu (Support groups) timi mibu chung in mah le mah ibawmhnak zong Melbourne khua hmun tamnawn ah thlafatin tuah a si.

 

BAWMHNAK KAN PEKMI VIALTE CU MANLO AN SI DIH.

KAN BAWMHNAK CONAK CAAH MEDICARE CARD ASILOAH VISA NGEIH ZONG NA HERH LO. 

MIRANGHOLH NA THIAM LO ZONGAH MANLO IN HOLHLETTU KAN IN LAAK PIAK KHAWH.

ATULIO NA NGEIHCHIAT LE LUNGKUAI LIO I BAWMTU LE HNEMTU NA NGEIH DING KHA BIAPI AH KAN CHIAH.

 

KAN CHAWN

Nangmah ten zongin na kan chonh khawh. Asiloah, na chungkhar pakhatkhat, na hawikom, na siibawi, sii saza/mah, na social worker asiloah na support worker pakhatkhat zong nangmah aiawh in chonh na fial khawh hna.

 

Sands Victoria zung phone number: 03 9874 5400

Sands Victoria email: This email address is being protected from spambots. You need JavaScript enabled to view it.

Nangmah holh in tamdeuh theih na duh ahcun: www.sandsvic.org.au ah zoh 24/7 nulepa nih chonh khawhnak (parent support line) 1300 072 637

 

NA INTUARMI KHA BIAPI AH KAN CHIAH

Na fa a rawh asiloah a chuah kate ah a thih zongah na tuarinning kha a phunphun in a si kho. Thihnak ton tikah  minung tampi nih tuarmi cu ngeihchiatnak a si. Pakhat le pakhat tuanrinning le ngeihchiatning balte an idang i pakhat cio pumpak sining zong nih a ngeih tawn.  

Na fa thih ruangah ngeihchiat le lungawttawm in na um kho i lilen asiloah thinhun tibantuk zong in na tuar khawh. Fa ngandamtein hrin na saduhthah vialte zong an lo dih tiah na ruah khawhmen. Achelchel ahcun na ngeihchiatnak nih na nunnak kha hlanlionak in a harter deuh ti zong in na ruah khawh.

Nangmah ten zong khan ngeihchiatnak caan i pe law na tuarinnak kha na hawikom le nangmah he aa neihniammi sin ah na chim le phuan zong kha a ttha.

  • Lau, zumh lo, thinphan, bawmtu ngeih lo, thinhun, zeihmanh biapi in ruah lo, hih phun in fah theih lo asiloah ngeihchiat ti in a phunphun in na tuar khawh. Mahpawl kha ngeihchiatnak fakpi in ton tikah tuar tawnmi an si.
  • Na tuarinning kongah ningzah zongin na um khomen.
  • Na tuarinnak kha na chungkhat le miphun asilomi sin ah chim le phuan kha a hman lo ti zongin na ruah khawhmen.
  • Na chungkhar asiloah na miphun asilomi nih na phunglam, biaknak le nan nunphung zong kha theihthiam lo le upat lo in an um lai ti zong na thinphang khomen. 
  • Na miphun chung in mi cheukhat nih na tuarinning le ngeihchiatnak zong kha an theithiam lai lo ti zong in na thinphang khomen.
  • Midang hnahnawhnak pek zong kha hmaikhah lo in na um kho i midang zumh lo zong in na um kho.
  • Ngandamnak zohkhenhning zong kha lungfiang lo in na um kho i ngandamnak lei rianttuantu mitampihna i an rian, ttuanvo le bawmhnak pek khawhmi kongah lungfian lo zong in na um kho.
  • Mirangholh na thiam lo ruangah le holhlettu auhpiak dingah chim ngam lo zong in na um kho. Mah na chim lo ahcun bawmhnak dawntu a si kho.
  • Bawmhnak laaknak caah tangka ka ngei lo ti zong in na thinphang kho – bawmhnak kan pekmi vialte caah tangka liam na hau lo.

Na fa a thih tikah nangmah zong kha ngandamnak thlopbulh na hau kho. Na fa kha zarh 20 asiloah mahnak a upatdeuh hnuah a thih ahcun a ruak fimtnak tolreltu (funeral director) na hlan a hau. A ruak in a chuah asiloah a chuah kate ah a thih zongah nulepa nih nau chuahnak cazin (birth registration) timi form an phit a hau. Mah dih hnu khan birth certificate timi na fa chuahnak catlap an in kuat/pek hna lai.   

 

BAWHTE THIH

Na fa kha na pawinak zarh 20 a tlin hlanah a thih ahcun mah kha naurawh (miscarriage) ti a si.

Naw na pawi a zarh na theih lo buin a thih sual i a ruak kha 400g nak in a zaan deuh ahcun naurawh tiah tuak a si.

Nau na pawinak zarh 20 hnuah a rawh (asiloah a thih lio ahkhan 400g nakin a rih deuh ahcun) mah kha thih buin hrin (stillbirth) tiah ti a si.

Bawhte an chuah hnu in le ni 28 an si hlanah an thih ahcun an rih le an nu paw chung um caan tuak lo in bawhte thih (neo-natal death) tiah ti a si.

Siibawi nih ngakchia zeicaahdah a thih ti theihnak ah a ruak hlaiding zong ruahnak an in pek khawh men hna. Ka duh lo ti zong in na chimh khawh hna i hlathlainak tuah lo zong in na um kho.

 

NA HERHMI BAWMHNAK HMUHNAK

Na fa a thih sual ahcun hnemtu ngeih kha santlai ngai a si. Na chungkhar le hawikom chungin hnemtu na ngeih ahcun na tuarinnak bawmtu an si lai. Na chungkhar, hawikom, biaknak aakhatmi, phunglam le nunphung aakhatmi le mipem le ralzam bawmtu phuhna nih bawmh le tthutpi zong kha na duh khawhmen.

Bawmhnak tamdeuh ka herh ti zong in na tuak khawhmen. Na chungkhar lengin bawmhnak na herhnak cungah palhnak le ningzahnak a um lo timi kha kan zumhning a si. Minung pakhat le pakhat an herhmi cu aakhat lo. Nangmah bantuk a ingtuar balmi zong he chonh le biaruah na duh khawhmen. Mah zawnah Sands Victoria nih kan in bawmh khawh.  

Sands Victoria i kan mibawmtupawl cu “Nulepa Bawmtuhna (Parents Supporters)” tiah auh an si. Mah mibawmtuhna cu a fa a thi balmi nule lawngte an si i na tuarinnak ah theihthiamnak le zaangfahnak zong an ngei. Kan rianttuannak ah pa pakhat a um i Pa Mibawmtu he chonh na duh ahcun hal khawh a si.

Na fa naite a thih asiloah hlanlio thla tampi le kum tampi ah a thih cang zongah kan in bawmh khawh. Nule, pale, chungkhar le hawikom bawmhnak kan pek hna. Na kan chonhnak lai sawm kan in duh.

 

Sands Victoria zung phone number: 03 9874 5400  Sands Victoria email: This email address is being protected from spambots. You need JavaScript enabled to view it.

Nangmah holh in tamdeuh theih na duh ahcun: www.sandsvic.org.au ah zoh

24/7 nulepa nih chonh khawhnak (parent support line) 1300 072 637

 

Na fa ruakfimnak kongah theihnak an bawmtu dingah zaangfahnak in mah ca hi kau. HERE

 

Mah ca hi cu Sands Victoria nih a chuahmi a si i the Lord Mayors Charitable Foundation nih a dihmi tangka an liam. 

 

lmcf logo